ბრენდინგი და კომუნიკაციის სტრატეგია

„სანამ ბიზნესის რეგისტრაციას გადაწყვეტთ“ — აზროვნების აკადემიისა და საქართველოს ბანკის ერთობლივი ლექციათა ციკლია. სესიები დამწყებ მეწარმეებს საშუალებას აძლევს, მიიღონ ყველა საჭირო ინფორმაცია ბიზნესის რეგისტრაციამდე.

 ლექციათა ციკლის ფარგლებში მეოთხე შეხვედრა გაიმართება minds&marketing-ის დამფუძნებელ მარიამ ბებიაშვილთან თემაზე: „ბრენდინგი და კომუნიკაციის სტრატეგია“.

 ლექცია შეეხება ბრენდის შექმნის პროცესს იდეიდან იდენტობამდე – როგორ ფორმირდება ბრენდის სტრუქტურა, როგორ განსაზღვრავს ის ბიზნესის ჩარჩოს, აუდიტორიას, შეთავაზებასა და ღირებულებებს. ვისწავლით, როგორ დავიწყოთ ბრენდინგი ბიზნეს იდეის ჩანასახშივე და როგორ ვაქციოთ იდეა ძლიერ, ღირებულებებზე დაფუძნებულ ბრენდად, რომლის გარშემოც ერთიანდებიან ადამიანები.

დასწრება შესაძლებელი იქნება როგორც ადგილზე, ასევე ონლაინ ფორმატშიც Google Meet-ის მეშვეობით

 შეხვედრაზე დაგხვდებათ ფურშეტი და სასიამოვნო გარემო

შეხვედრის ხანგრძლივობა – 2-3 საათი