ბიძინა კვერნაძის სახელობის საერთაშორისო მუსიკალური ფესტივალი | ნიკა ნიკვაშვილი – „ბაროკოდან თანამედროვე მუსიკამდე“

ბიძინა კვერნაძის სახელობის საერთაშორისო მუსიკალური ფესტივალი წელს მეოთხედ ტარდება, საქართველოს კულტურის სამინისტროსა და ბათუმის მუნიციპალიტეტის მერიის მხარდაჭერით.

ფესტივალის ფარგლებში, 2 ივლისს, ბათუმის ილია ჭავჭავაძის სახელობის დრამატულ თეატრში, ფესტივალის დამფუძნებელი, იდეის ავტორი და მუსიკალური ხელმძღვანელი ნიკა ნიკვაშვილი წარადგენს მუსიკალურ კალეიდოსკოპს – „ბაროკოდან თანამედროვე მუსიკამდე“.

ნიკა ნიკვაშვილი სცენაზე წარდგება ფესტივალის სიმფონიური ორკესტრის, მევიოლინე ლელა მჭედლიძის, მომღერალ სოფო ხალვაშის, გიორგი სუხიტაშვილის და საფრანგეთიდან მოწვეული სპეციალური სტუმრის – ორელია მეის თანხლებით.

 დამატებითი ინფორმაცია:

ფესტივალი ოფიციალურად გაიხსნება 28 ივნისს, სიღნაღში, კომპოზიტორ ბიძინა კვერნაძის ბიუსტის დადგმისადმი მიძღვნილი საზეიმო ღონისძიებით. ბიუსტი მის მშობლიურ ქალაქში, საქართველოს კულტურის სამინისტროს მხარდაჭერითა და სიღნაღის მუნიციპალიტეტის მერიის ინიციატივით განთავსდება.

ღონისძიებაზე შესრულდება ბიძინა კვერნაძის უკვდავი ნაწარმოებები, სიმფონიური ორკესტრისა და გუნდის თანხლებით. კონცერტის მუსიკალურ ხელმძღვანელად ნიკა ნიკვაშვილი წარდგება.