ავრილი და ყალბი სამყარო

სტიმპანკური ფრანგული ანიმაცია ალტერნატიული წარსულის შესახებ.  

1941 წელი. საფრანგეთს მართავს ნაპოლეონ V და ქვეყანა ორთქლის ტექნოლოგიებზეა დაფუძნებული, რადგან უკვე მრავალი წელია, მსოფლიოში გამოჩენილი მეცნიერები უჩინარდებიან და ელექტრობა დღემდე არავის აღმოუჩენია.  

როდესაც მთავარი გმირი, პატარა ავრილი, ჯერ კიდევ ბავშვი იყო, მისი მშობლები უკვდავების ელექსირის მიღებას ცდილობდნენ, მაგრამ საიდუმლო ვითარებაში გაუჩინარდნენ. მას შემდეგ ავრილი მემკვიდრეობით დარჩენილ მოსაუბრე კატასთან ერთად ცდილობს, აღადგინოს მშობლების საიდუმლო რეცეპტი.