ხელოვნების ისტორიის ლექცია. „გონების ძილი მონსტრებს შობს“ — ფრანსისკო გოია

17 ივლისს გეპატიჟებით ხელოვნების ისტორიის ლექციაზე — „ფრანსისკო გოია. გონების ძილი მონსტრებს შობს“. ლექციას წაიკითხავს ნიკოლაი დულკინი — „სტროგანოვკის“ კურსდამთავრებული, მემკვიდრეობითი ხელოვნებათმცოდნე, მომხიბვლელი და ქარიზმატული ლექტორი.

თბილისში ლექცია მიეძღვნება რომანტიზმის ერთ-ერთ პირველ წარმომადგენელს — ფრანსისკო გოიას. ვინ იყო ის? კარის მხატვარი, რომელიც ემიგრაციაში აღმოჩნდა? ფერმწერი, რომელსაც გრაფიკამ მოუტანა დიდება? თავად ჰერცოგინია ალბას საყვარელი თუ უძლური, სიფილისით დაავადებული კაცი? გამორჩეულ და ამავე დროს წინააღმდეგობრივ ესპანელზე, რომელმაც ასე მტკივნეულად ასახა თავისი ერის ცხოვრება და ტანჯვა და საკუთარი ტრაგედიაც — ლექციაზე 17 ივლისს. (18+)