AgileXchange Georgia 2026: Hands-On Agile

📢️ მზად ხარ AgileXchange-ისთვის?

ჩვენ ვბრუნდებით საქართველოს მსოფლიო ეჯაილ რუკაზე დამკვიდრებისა და ადგილობრივი ეჯაილ კომუნის გაძლიერების მისიით!

ამჯერად გიწვევთ რიგით მეხუთე AgileXchange-ზე – 2023 წელს ჩვენი პირველი ღონისძიება სულ რაღაც ორ სპრინტში დაიგეგმა, 2024 წელს კი საერთაშორისო ეჯაილ სამიტზე 400-ზე მეტ მონაწილეს ვუმასპინძლეთ.

წლევანდელი თემაა Hands-On Agile. პირველად, AgileXchange მთელი დღის ფორმატში გაიმართება და მთავარი აქცენტი პრაქტიკაზე იქნება: 6 პარალელურ დარბაზში ჩატარდება ვორქშოფების ორი ტალღა საერთაშორისო ტრენერების ხელმძღვანელობით, ამასთან, გახსნითი გამოსვლა, მოხსენებები სცენაზე და დისკუსია ქართველ ლიდერებთან.

🎙️ შემოგვიერთდით გლობალურ სპიკერებთან და ტრენერებთან ერთად:

- Patricia Soler Herrero – აღმასრულებელი ქოუჩი და ფასილიტატორი, ღონისძიების გახსნითი მომხსენებელი;

- Jose Casal – Business Agility-ის კონსულტანტი, Actineo Consulting-ის თანადამფუძნებელი, Professional Scrum Trainer, Flight Levels Guide და Training from the BACK of the Room-ის სერტიფიცირებული ტრენერი;

- Christophe Martinot – ICAgile-ის ტრენერი და Management 3.0-ის ფასილიტატორი, წიგნის SPIRAL UP® ავტორი;

- Jon Ward – Enterprise Agility-სა და ხელოვნური ინტელექტის კონსულტანტი, Beneficial Consulting-ის დამფუძნებელი და Agile Business Consortium-ის სერტიფიცირებული Thought Leader;

- Apeksha Patel – ინდოეთის პირველი ქალი Certified Scrum Trainer და პირველი Accredited Kanban Trainer, Agile Alliance-ის დირექტორთა საბჭოს წევრი;

- ნინო გორგაძე – პროექტების მართვისა და ციფრული ტრანსფორმაციის ექსპერტი (PMP®, PMI-ACP®), 20 წელზე მეტი გამოცდილებით პროექტებისა და პორტფელების მართვაში;

- ვატო დოლიძე – ორგანიზაციული დიზაინერი, გამოვა თემით „Agile Beyond Tech“;

- ლევან ხომერიკი – Tbilisi Medic-ის აღმასრულებელი დირექტორი. Tbilisi Medic პირველი კომპანიაა საქართველოს სამედიცინო სექტორში, რომელმაც ეჯაილ მიდგომებზე გადაინაცვლა;

- თორნიკე ჩხაიძე – „ნიადაგის“ მმართველი პარტნიორი.

გარდა ამისა, ტრადიციულად, AgileXchange Vol. 5 ასევე უმასპინძლებს ადგილობრივ პროფესიონალებსა და კომუნების ლიდერებს სხვადასხვა სფეროდან.