ZEG Storytelling Festival

როგორ შეიძლება დაგანახოს ომი სატირიკოსმა მწერალმა და მონაცემთა მეცნიერმა? რა შეიძლება გასწავლოს ფილოსოფოსმა ამბის თხრობაზე? რას გვიყვებიან განსაკუთრებულს ჩვენი პლანეტის შესახებ არქიტექტორები და არტისტები?

მზად ხარ დაუვიწყარი ისტორიების მოსასმენად და ინსპირაციის მისაღებად? ZEG ამბის თხრობის საერთაშორისო ფესტივალი უკვე მეხუთედ ბრუნდება და წელს 13-15 ივნისს კვლავ თბილისში ჩატარდება.

ჩვენ ვაგრძელებთ საქართველოს დაახლოებას ევროპასთან და დანარჩენ მსოფლიოსთან, ვაერთიანებთ მოაზროვნეებსა და სხვადასხვა დარგის პროფესიონალებს, ვსაუბრობთ ყველაფერზე - მსოფლიოს ახალ პერსპექტივებზე, პირად ისტორიებზე, პოლიტიკაზე, ეკონომიკაზე, მხატვრობაზე, ფილოსოფიაზე, არქიტექტურაზე, მედიაზე, ფოტოგრაფიაზე, კინოსა თუ მედიცინაზე.

იმდენად დიდი და მრავალფეროვანია ფესტივალის მომხსენებელთა სია, რომ ZEG-ზე ინსპირაციას ნებისმიერი საქმიანობისთვის იპოვი.

100-ზე მეტ მომხსენებელს შორის არიან ნობელიანტი ეკონომისტი ჯოზეფ სტიგლიცი; ლეგენდარული ბრიტანელი ფოტოგრაფი პლატონი; The New Yorker-ის ჟურნალისტი, მწერალი და ბესტსელერი წიგნის"The Moth and the Mountain" ავტორი ედ სიზარი; წამყვანი ამერიკელი პედიატრი სემა ჯილანი, რომელიც წლების განმავლობაში მუშაობდა ავღანეთში, ისრაელში, ღაზას სექტორში, სუდანსა და სხვა ქვეყნებში დაზარალებულებთან; ადამ ფეიზი, მწერალი, პროდიუსერი და რეჟისორი, ავტორი მოკლემეტრაჟიანი ფილმებისა „How Moving” და „River Fork”; ინოვაციური და მდგრადი ურბანული დიზაინის ცნობილი ჩილელი არქიტექტორი ალეხანდრო არავენა; წელს კვლავ ვუმასპინძლებთ სატირიკოსს, აღიარებული სატელევიზიო სერიალებისა და ფილმების, „Veep“-ის და "სტალინის სიკვდილის" ავტორს არმანდო იანუჩის; ასევე უკრაინელ ფილოსოფოსს ვოლოდიმირ ერმოლენკოს და უამრავ სხვა საინტერესო სპიკერს.

სიტყვა ZEG იდეალურად ასახავს ჩვენს მისიას: აღმოვაჩინოთ და გავაზიაროთ ამბები, რომლებიც მნიშვნელოვანია არა მხოლოდ დღეს, არამედ მის მიღმაც. გვჯერა, რომ საინტერესო ამბის თხრობა მოითხოვს დისციპლინებს შორის ბარიერების დამსხვრევას და სწორედ ამიტომ ვაერთიანებთ ცნობილ მწერლებს, მოაზროვნეებს, კინორეჟისორებს, ჟურნალისტებს, მეწარმეებსა და ხელოვანებს ZEG-ის გარშემო.

ფესტივალის ორგანიზატორები: Impact Hub Tbilisi, Coda Story

ფესტივალის მხარდამჭერები: TBC Concept, UN Women, European Cultural Foundation, Coca-Cola, BMW, Culture of Solidarity Fund, Cellfie, Swiss Agency for Development and Cooperation, Windfor’s, Reckless, AI Accountability Network - Pulitzer Center, IRCT - International Rehabilitation Council of Torture Victims, United Against Torture, Adjara Group, Honore.

მეტი ინფორმაცია აქ: https://www.zegfest.com

სიახლეებისთვის, გამოიწერე ჩვენი ნიუსლეთერი: https://www.zegfest.com/sign-up

მოგვძებნეთ სოციალურ ქსელებში:

• Facebook
• Instagram
• LinkedIn
• X
• YouTube
• TikTok

ბილეთის ფასი:

I კალათა - 220 ლარი (შეზღუდული რაოდენობა)

II კალათა - 290 ლარი (შეზღუდული რაოდენობა)

III კალათა - 390 ლარი (შეზღუდული რაოდენობა)

*გაითვალისწინეთ, რომ კარზე ბილეთები არ გაიყიდება

ბილეთის ფასში შედის:

● ფესტივალის ფარგლებში დაგეგმილ ყველა პანელურ დისკუსიაზე, სესიაზე, ფილმის ჩვენებაზე, ვორქშოპსა თუ შემეცნებით ტურზე დასწრება

● ფესტივალის დღეებში მსუბუქი საუზმე და ლანჩი

● გახსნის და დახურვის ცერემონია (მიღება)

● სასაჩუქრე ჩანთა

მნიშვნელოვანი ინფორმაცია:

● ფესტივალი ტარდება ინგლისურ ენაზე

● ყველა ბილეთი დაცულია უნიკალური QR კოდით. გთხოვთ, თქვენი ბილეთი და QR კოდი კონფიდენციალურად შეინახოთ.

● იმისთვის, რომ არ შეგექმნათ ფესტივალზე შესვლის პრობლემა, ნუ შეიძენთ ბილეთებს არაოფიციალური წყაროებისგან.

● ფესტივალზე დასასწრებად აუცილებელია ადგილზე რეგისტრაციის გავლა და ბილეთის სამაჯურში გადაცვლა. რეგისტრაცია დაიწყება 13 ივნისს 10:00 საათიდან, ფესტივალის მთავარი სცენის შესასვლელთან.

● სამაჯური არ მოიხსნათ საფესტივალო დღეების განმავლობაში, წინააღმდეგ შემთხვევაში ვერ შეძლებთ ღონისძიებებზე დასწრებას.

● 10 წლამდე ბავშვებისთვის ფესტივალზე დასწრება უფასოა, თუმცა ღონისძიება არ არის საბავშვო.
 

წინასწარი გაყიდვის ფარგლებში, ახალი თიბისი კონცეპტ ბარათის მფლობელებს შესაძლებლობა გაქვთ, მხოლოდ 3 დღით, 7-9 აპრილს, 25%-იანი ფასდაკლებით შეიძინოთ ბილეთები. 10 აპრილიდან, თიბისი კონცეპტის ყველა ბარათზე გავრცელდება 15%-იანი ფასდაკლება.