„ესენინი. მოსკოველი ხულიგანი ქართული აქცენტით“ — ვიტალი კიბიტლევსკის ლექცია

„ესენინი. მოსკოველი ხულიგანი ქართული აქცენტით“ — ვიტალი კიბიტლევსკის ლექცია

სერგეი ესენინმა სულ რაღაც 30 წელი იცოცხლა, თუმცა მისი ბიოგრაფია რამდენიმე ცხოვრებასაც ეყოფოდა. რიაზანის გუბერნიის ერთ-ერთი სოფლიდან წამოსული ბიჭი რუსეთის ერთ-ერთ ყველაზე ცნობილ პოეტად იქცა. რევოლუცია, ლიტერატურული დიდება, სკანდალები, ხმაურიანი ქეიფები, სამი ოფიციალური ქორწინება, მოგზაურობები ევროპასა და ამერიკაში და ტრაგიკული სიკვდილი, რომლის გარემოებებიც დღემდე დავის საგანია — ეს ყველაფერი მისი ხანმოკლე ცხოვრების ნაწილი იყო.

ესენინის ცხოვრებაში განსაკუთრებული ადგილი საქართველოს ეკავა, სადაც მან 1924–1925 წლებში რამდენიმე თვე გაატარა. ტფილისში პოეტი მონაწილეობდა ლიტერატურულ საღამოებში, ურთიერთობდა ადგილობრივ მწერლებთან, შემდეგ კი ბათუმში გაემგზავრა, სადაც მისი შემოქმედების ერთ-ერთი ყველაზე ნაყოფიერი პერიოდი დაიწყო.

ლექციაზე გავყვებით ესენინის ცხოვრების მთელ გზას — რიაზანის სოფლიდან ლენინგრადის სასტუმრო „ანგლეტერამდე“. ვისაუბრებთ მის შემოქმედებაზე, მის ცხოვრებაში მნიშვნელოვან ქალებზე, მეგობრებსა და მტრებზე, საბჭოთა ხელისუფლებასთან ურთიერთობაზე და, რა თქმა უნდა, პოეტის ქართულ თავგადასავლებზე.

გავიცნობთ პოეტს, რომელსაც ერთნაირი ვნებით შეეძლო სიყვარული, ლექსების წერა და უსიამოვნებებში გახვევა.