თეთრი ბაირაღები

ნოდარ დუმბაძის უკვდავი ნაწარმოების სცენიურ ამ ვერსიაში ერთ საკანში ვხვდებით 10 სხვადასხვა -ხასიათის, დანაშაულის, ცოდვის, პოლიტიკური თუ რელიგიური შეხედულების მქონე პერსონაჟს, რომლებიც ყოველდღიურად ცდილობენ დაუმტკიცონ ერთმანეთს თავიანთი სიმართლე. გაუთავებელ კონფლიკტსა და თვითდამკვიდრებისათვის ბრძოლას თან ახლავს კლასიკური იუმორი, რომელიც მაყურებელს აძლევს საშუალებას ერთდროულად მოექცეს სხვადასხვა ადამიანური ემოციების კორიანტელში. პერსონაჟთა მკაფიო განსხვავებულება და მათ შორის არსებული დიალოგები ცხადყოფს ადამიანის სხვადასხვა ბუნებას. სწორედ მაშინ, როდესაც საკანი ნელ-ნელა ცარიელდება და ცხოვრების ბედუკუღმართობის მიმართ პროტესტი უჩნდება ამ დროს ზეიმობს სამართალი იმარჯვებს სიკეთე ბოროტებაზე და ერთადერთი ნათელი წერტილი ზაზა ნაკაშძე თავისუფლებას უბრუნდება.