«ვკვდები როგორც ქვეყანა»

ზოგჯერ სიკვდილის პროცესი უფრო დიდხანს გრძელდება, ვიდრე სიცოცხლე. მან შესაძლოა საუკუნეები და ათასწლეულებიც კი გასტანოს. რა ხდება მაშინ, როდესაც სიკვდილის რეალური საფრთხის წინაშე არა ერთი და ორი ადამიანი, არამედ მთელი ქვეყანა იმყოფება? რამ შეიძლება მიიყვანოს ერი სრულ ფიზიკურ და მენტალურ განადგურებამდე? ცნობილი ბერძენი მწერლის, დიმიტრის დიმიტრიადისის, 1978 წელს შექმნილი, მცირე რომანი „ვკვდები როგორც ქვეყანა" სწორედ ხანგრძლივი სიკვდილის პროცესში მყოფი ერის ამბავს გვიყვება. ტექსტი, თანამედროვე საქართველოს და მისი პოლიტიკური კრიზისის კონტექსტში, ორმაგად საინტერესოა. შემოქმედებითი ჯგუფი სამუშაო პროცესში ჩიხში აღმოჩენილი ქვეყნის ბედს აკვირდება და მაყურებელთან ახალი დისკუსიის შექმნას ცდილობს. სპექტაკლის ხანგრძლივობა 110 წუთი (ერთი მოქმედება)ასაკობრივი ზღვარი 16+დასაწყისი: 19:00