ვასილი კ. — აკუსტიკური კონცერტი ბათუმში

ვასილი კ. — აკუსტიკური კონცერტი ბათუმში

Vasily K., რომელიც ცნობილია ისეთი ნამუშევრებით, როგორიცაა „Derzhava“, „Sobaki“ და „Bezobrazny i Zly“, იძულებული გახდა სასწრაფოდ დაეტოვებინა რუსეთი და ახლა საქართველოში პირველ სოლო კონცერტებს გეგმავს.

ვასილი კ. — პოეტი და როკ-მუსიკოსია მურმანსკიდან. თითქმის ათი წელი ცხოვრობდა შვედეთში, უკრავდა ინდი-ჯგუფ Kürten-თან ერთად, შემდეგ კი რუსეთში დაბრუნდა, რათა მშობლიურ ენაზე დაეწერა და შეესრულებინა სიმღერები.

2000-იანი წლების დასაწყისში მან გამოუშვა Leonard Cohen-ის სიმღერების თარგმანებისა და ინტერპრეტაციების ალბომი — ჩანაწერი, რომელიც სწრაფად იქცა პოსტსაბჭოთა ანდერგრაუნდის მსმენელებისთვის საკულტო ნამუშევრად.

მოგვიანებით დაიწყო წლები გასტროლებითა და ალბომების ჩაწერით ჯგუფთან „Vasily K. & Intelligenty“, ექსპერიმენტებით ჟღერადობასა და ფორმაში, სოლო პროექტებითა და მუდმივი ძიებით ახალი მუსიკალური ენის.

ვასილი კ. — შამანი და ექსპერიმენტატორია, მუსიკოსი დაუცხრომელი შემოქმედებითი ენერგიით, რომელიც ყოველ კონცერტზე ახლებურად იპყრობს ყველაზე მომთხოვნ მსმენელსაც. ის ერთ-ერთია იმ იშვიათ singer-songwriter-ებს შორის, ვინც წარმატებით აერთიანებს სიმღერის ფორმისადმი ღრმა და ფრთხილ დამოკიდებულებას ფრი-იმპროვიზაციის, noise-ისა და ambient-ის გაბედულ ექსპერიმენტებთან.