წიგნის ილუსტრაციების შექმნის მასტერკლასი

ქართული მითოლოგიით დაინტერესებულ პატარებს წიგნის ილუსტრაციების შექმნის მასტერკლასზე ვიწვევთ, რომელიც 17 მარტს SOLO Kids-ის ფარგლებში ჩატარდება

შეხვედრაზე მონაწილეები წაიკითხავენ ქართული მითოლოგიიდან რამდენიმე ამბავს, აირჩევენ სასურველს და შექმნიან მთავარი პერსონაჟების ილუსტრაციებს. ბავშვებს ადგილზე დახვდებათ დიდი ფურცლები, ფანქრები, მარკერები, ტუში, ფუნჯები და სხვა სახატავი მასალა, ასევე − წებო და ფერადი ქაღალდები, რომლებსაც გამოჭრიან და ააწყობენ წიგნის ყდას, გვერდებსა თუ სხვა დეტალებს. მასტერკლასის შემდეგ ყველას შეეძლება საკუთარი პატარა წიგნის სახლში წაღება

ასევე გააკეთებენ მუსიკალურ ილუსტრაციებს, ბავშვები მოუსმენენ მუსიკის პატარა ნაწყვეტებს და გამოწვეულ შეგრძნებებსა და  ასოციაციებს გადაიტანან ფურცელზე. 

გაითვალისწინეთ, მასტერკლასს ბავშვები დაესწრებიან დამოუკიდებლად, მშობლების გარეშე