6 თებერვალს, მიხეილ თუმანიშვილის დაბადებიდან 105 წლის იუბილესთან დაკავშირებით მიხეილ თუმანიშვილის სახელობის კინომსახიობთა პროფესიულ სახელმწიფო თეატრში 17:00 საათზე დაგეგმილია ორ ტომად გამოცემული წიგნის - “თარგმნილი პიესები თუმანიშვილის თეატრისთვის” - პრეზენტაცია.
გამოცემა ეძღვნება ლიტერატორისა და მთარგმნელის მანანა ანთაძის 80 წლის იუბილეს.
წიგნი წარმოადგენს მრავალწლიანი შემოქმედებითი და პროფესიული საქმიანობის შედეგს და აერთიანებს თუმანიშვილის თეატრისთვის თარგმნილ პიესებს.
წიგნის ბეჭდურ ნაწილს უზრუნველყოფს საქართველოს შოთა რუსთაველის თეატრისა და კინოს სახელმწიფო უნივერსიტეტის გამომცემლობა “კენტავრი”, ხოლო დაკაბადონებასა და დიზაინს - თუმანიშვილის სახელობის კინომსახიობთა პროფესიული სახელმწიფო თეატრი.
ღონისძიებაზე დასწრება თავისუფალია.
