სამდღიანი რეტრიტი სერგეი კუპრიანოვთან

მათთვის, ვინც გრძნობს, რომ ერთ ადგილას გაიჭედა ან მუდმივად ერთსა და იმავე წრეზე ტრიალებს, თუმცა უკვე სურს, ეს წრე სპირალად მაინც იქცეს. მათთვის, ვინც გრძნობს: გონებამ უკვე ყველაფერი გააკეთა, რაც შეეძლო — ახლა რაღაც სხვაა საჭირო.

სერგეის რეტრიტები სამდღიანი ღრმა ჯგუფური მუშაობაა. ერთი ადამიანის ისტორია მეორისას ახალ შუქზე წარმოაჩენს, სხვისი პროცესი შენსას ეხმიანება და უცებ ის, რაც წლების განმავლობაში დაფარული იყო, პირდაპირ შენ წინ ჩნდება. სწორედ ამ მომენტში ერთი ეტაპი სრულდება და ახალი იხსნება.

◦◦◦

არ არის აუცილებელი, ზუსტად იცოდე, რაზე გინდა მუშაობა — პროცესში შენი თავდაპირველი მოთხოვნა შეიძლება შეიცვალოს და აღმოჩნდეს, რომ ის მხოლოდ ზედაპირული ფენა იყო. საკმარისია განცდა: შინაგანად რაღაც გაწუხებს და წინსვლის საშუალებას არ გაძლევს, მაგრამ ზუსტად რა — ჯერ არ იცი. ეს უკვე ნიშნავს, რომ სამუშაო ნამდვილად არის.