სამი ფერი: ლურჯი

კშიშტოფ კეშლოვსკის საკულტო ტრილოგიის „სამი ფერი“ ჩვენებას ვიწყებთ.
პირველი, საფრანგეთის დროშის ფერების თანმიმდევრობის შესაბამისად, იქნება ლურჯი.

ტრილოგია „სამი ფერი“ — თავისუფალი ფიქრი ფრანგული რევოლუციის ლოზუნგზე: „თავისუფლება–თანასწორობა–ძმობა“. პირველი ფილმი, შესაბამისად, თავისუფლებას ეძღვნება.

მთავარი გმირი (ჟიულიეტ ბინოში) გადარჩება ავტოავარიას, რომელმაც მისი ქმრისა და ხუთი წლის შვილის სიცოცხლე იმსხვერპლა. შეძლებს კი იგი გათავისუფლებას და თუ კი — რისგან ან რისი წყალობით?
კეშლოვსკი პასუხებს არ გვაძლევს, მაგრამ მაყურებელს იწვევს, რომ სევდის ცივ სივრცეში იაროს, ჩაისუნთქოს ყინვისმაგვარი ლურჯი ჰაერი და, ვინ იცის, იქნებ ამ სიცარიელის ფსკერზე რამე მნიშვნელოვანი იპოვოს.

ფილმმა ვენეციის კინოფესტივალზე სამი „ოქროს ლომი“ მიიღო: საუკეთესო ქალი როლის შესრულებისთვის, საუკეთესო ოპერატორული სამუშაოსთვის და მთავარი პრიზი.