საოცრება

XIX საუკუნის შუა პერიოდი, ირლანდია. პატარა დასახლებაში მედდა ლიბი ჩადის. მისი ჩამოსვლის მიზეზი უჩვეულოა — სასწაული. 11 წლის ანა უკვე რამდენიმე თვეა არაფერს ჭამს და ამბობს, რომ ზეციური მანანით იკვებება. თუმცა ლიბის მოტყუება არც ისე მარტივია: ის სკეპტიკოსია, მხოლოდ მეცნიერების სჯერა და მტკიცედ აქვს გადაწყვეტილი დაამტკიცოს, რომ გოგონა იტყუება.

სიტყვა რეჟისორს: „ეს არის ფილმი საღ აზრსა და მაგიას, მეცნიერებასა და უკიდურეს რელიგიურობას, სულიერ და ინტელექტუალურ მოქნილობასა და ფანატიზმს შორის დაპირისპირებაზე. რისი გჯერა შენ? რამდენად მტკიცე ხარ საკუთარ რწმენაში? თუ მზად ხარ შეიცვალო, მოერგო და განვითარდე? როგორი მაყურებელი ხარ? მიუხედავად იმისა, რომ ისტორიის ყველა პერსონაჟი გამოგონილია, თემები, რომლებსაც ფილმი ეხება, რეალურია. ეს ამბავი შეიძლებოდა XIX საუკუნეში მომხდარიყო, თუმცა ზუსტად ასევე შეიძლება დღესაც მოხდეს“.