მიუხედავად სამსაათიანი ხანგრძლივობისა, წარმოუდგენლად პოპულარული, გაბედული და ტესტოსტერონით სავსე ფილმი დიდოსტატი მარტინ სკორსეზესგან, მთავარ როლში ლეონარდო დიკაპრიო.
ფილმი წარმოადგენს ნიუ-იორკელი ბირჟის ბროკერის, ჯორდან ბელფორტის, მემუარების ეკრანიზაციას, სადაც ასახულია მისი აღმავლობა და დაცემა 1980-იანი წლების ბიზნეს-ოლიმპოსკენ სვლის პერიოდში. დიკაპრიოს გმირი — ქარიზმატული ცინიკოსი და ჰედონისტი — დაუფარავად იგინება, სწრაფ გამდიდრებას ეძებს და, საერთო ჯამში, კარნავალურ-ამორალურ ცხოვრებას ეწევა.
