კაპრიზული ღრუბელი

უცნაური და აზიურად თავგადასული, პროვოკაციული და ამავდროულად ნაზი ფილმი ტაივანის ერთ-ერთი ყველაზე მნიშვნელოვანი რეჟისორისგან.

ტაივანში გვალვამ წყლის მწვავე დეფიციტი და არბუზების უჩვეულოდ დიდი მოსავალი გამოიწვია. წყალი ფუფუნების საგნად იქცა, ხოლო არბუზი და მისი წვენი — ყველგან ხელმისაწვდომ ალტერნატივად და სექსუალურ ფეტიშადაც კი. გოგონა შიან-ჩიი სხვის წყალს იპარავს და ერთ სახლში ცხოვრობს ახალგაზრდა სია-კანთან — მსახიობთან, რომელიც ანდერგრაუნდ პორნოში იღებს მონაწილეობას, მათ შორის არბუზებით სავსე სცენებში. დიდი ხნის განმავლობაში ისინი ერთმანეთის გვერდით, თუმცა განცალკევებულ, „გამშრალ“ პარალელურ ცხოვრებას ცხოვრობენ — სანამ ერთ დღეს საბოლოოდ არ შეხვდებიან ერთმანეთს.