ტრუმანის შოუ

ეს არის ერთდროულად მარტივი და რთული ფილმი იმის შესახებ, რამდენად ილუზორული შეიძლება იყოს ადამიანის ცხოვრება.

ტრუმენი ცხოვრობს თითქოს სრულიად ჩვეულებრივი, მშვიდი ცხოვრებით. ჰყავს ქერა ცოლი, პატარა სახლი, იდეალურად მოვლილი გაზონი, მეგობრული მეზობლები, ოფისში სამუშაო და საუკეთესო მეგობარი, რომელთანაც სამუშაოს შემდეგ ლუდის დალევა შეუძლია. მას ასევე აქვს ძლიერი სურვილი — იმოგზაუროს. ყველაფერი თითქოს ჩვეულებრივია… მაგრამ ერთ დღეს ტრუმენი ამჩნევს, რომ მის იდეალურ სამყაროში რაღაც არასწორია.

გამვლელები საეჭვოდ ერთსა და იმავე წრეზე დადიან, მთელი ცხოვრების განმავლობაში მას ვერასდროს მოუხერხებია თვითმფრინავის ბილეთის ყიდვა, საუკეთესო მეგობარი ამტკიცებს, რომ მათ პატარა ქალაქზე უკეთესი ადგილი არ არსებობს და ამიტომ სხვაგან წასვლას აზრი არ აქვს, ხოლო ცოლი კამათის დროს მოულოდნელად კამერისკენ „მსოფლიოში საუკეთესო კაკაოს“ ქილას აჩვენებს.

ტრუმენი უბრალოდ პარანოიას განიცდის, თუ სინამდვილეში ვიღაცის თამაშში აღმოჩნდა ფიგურად?

„ტრუმენის შოუ“ ჯიმ ქერის ერთ-ერთი პირველი არაკომედიური როლია, რომელმაც ყველას დაანახა, რომ ის მხოლოდ კომიკური გრიმასების ოსტატი კი არა, არამედ სერიოზული დრამატული მსახიობიცაა.