წმინდა ლეღვის თესლი

მოქმედება ვითარდება ირანში ბოლო დროის (რეალური) პროტესტების ფონზე, როდესაც ხალხი აღდგა ახალგაზრდა გოგონას — მაჰსა ამინის — სიკვდილზე პასუხად; იგი დააკავეს ჰიჯაბის „არასწორად“ ტარების გამო. ფილმის მთავარი გმირი — გამომძიებელი მოსამართლე იმანი — ცდილობს საკუთარი ცხოვრების კონტროლს, თუმცა შინაგანი დემონები მას მოსვენებას არ აძლევს. როდესაც მისი პირადი პისტოლეტი უკვალოდ ქრება, ეჭვი ყველაზე ახლობლებზე — ცოლსა და ქალიშვილებზე — გადადის. იმანი საკუთარ სახლში ამკაცრებს წესებს, თითქოს გარე სამყაროს სისასტიკეს ითავისებს.

რეჟისორმა მოჰამად რასულოფმა ფილმი სრულ საიდუმლოში გადაიღო და გადაღებების დასრულებისთანავე იძულებული გახდა, ტელეფონი მოეშორებინა და ქვეყნიდან მთის ბილიკებით გაქცეულიყო. სამშობლოში მას 8 წლით თავისუფლების აღკვეთა, ქონების კონფისკაცია და ფიზიკური დასჯა მიუსაჯეს. ქვეყნიდან გაქცევა მოუწიათ ფილმში მონაწილე სამ მსახიობსაც.

🏆 პრემიერა გაიმართა კანის კინოფესტივალზე. ფილმმა ხუთი ჯილდო მიიღო, მათ შორის ჟიურის სპეციალური პრიზი და კინოკრიტიკოსთა საერთაშორისო ფედერაციის (FIPRESCI) ჯილდო.

☝️ ამ კვირაში, რუბრიკის „ირანული კინო“ ფარგლებში, შევკრიბეთ რამდენიმე ჩვენთვის ყველაზე შთამბეჭდავი ფილმი, რომლებიც გვეხმარება უკეთ გავიგოთ, რა ხდებოდა ამ ქვეყანაში ბოლო პერიოდში.