აღთქმული სანაპირო (პრემიერა)

სპექტაკლი ,,აღთქმული სანაპირო" წარმოადგენს მცდელობას გეო - პოლიტიკური ცვლილებები არა ფაქტებიდან გამომდინარე, არამედ ადამიანური პერსპექტივიდან დაინახოს. ოკუპაცია საბედისწერო გავლენას ახდენს ადამიანების ცხოვრებაზე, მათ შინაგან მდგომარეობასა და მათ მიერ სამყაროს აღქმაზე. ამ ყველაფერთან ერთად იცვლება არამხოლოდ ცხოვრების წესი, არამედ ურთიერთბები ადამიანებს შორის.

სწორედ ამაზე მოგვითხრობს სპექტაკლი ,,აღთქმული სანაპირო". პიესა წარმოადგენს ტენესი უილიამსის,,ტრამვაი სახელად სურვილის" ადაპტაციას. მთავარი გმირები არიან დები: სოფი და ჰელენი, რომლებიც სამშობლო - საფრანგეთში შექმნილმა პოლიტიკურმა ვითარებამ ერთმანეთს დააშორა.