ლობსტერი

უახლოეს მომავალში. მოქმედებს აკრძალვა მარტოობაზე (სოციოფობის საშინელი სიზმარი!): ყველა, ვისაც ჯერ არ ჰყავს წყვილი ან დაკარგა იგი, აპატიმრებენ და სპეციალურ სასტუმროში აგზავნიან, სადაც ზუსტად 45 დღე აქვთ, რათა ახალი პარტნიორი შეარჩიონ. წარუმატებლობის შემთხვევაში მათ ცხოველად ქცევა ელით. მართალია, ახალმოსულებს გულმოწყალედ აძლევენ საშუალებას, მომავალი ინკარნაცია საკუთარი სურვილით აირჩიონ. სასტუმროს ბინადრების ერთ-ერთი საყვარელი გართობა კი „მარტოხელებზე“ ნადირობაა — მათზე, ვინც ტყეებში იმალებიან და პრინციპულად უარყოფენ სიახლოვესა და რომანტიკულ ურთიერთობებს. სწორედ ამ ორ უკიდურესობას შორის ექცევა მთავარი გმირი კოლინ ფარელის შესრულებით.

იორგოს ლანტიმოსი, როგორც ბერძნული „უცნაური ტალღის“ ერთ-ერთი ყველაზე გამორჩეული რეჟისორი, მართლაც უცნაურ, მაგრამ ამავე დროს — საუკეთესო ანტიიუტოპიების სტილში — სარწმუნო და ადვილად ამოსაცნობ რეალობას ქმნის, რომელიც, მთელი თავისი ფანტასტიკური პირობითობის მიუხედავად, შემაშფოთებლად ცოცხალი რჩება.

კანის კინოფესტივალის ჟიურის პრიზი.