დიდი დიქტატორი

ანტიფაშისტური პამფლეტი Charlie Chaplin-ისგან, რომელშიც დიდი კომიკოსი ორ როლს ასრულებს: ებრაელ პარიკმახერსა და დიქტატორ ადენოიდ ჰინკელს. The Great Dictator — მესამე რაიხის საუკეთესო და ყველაზე დამცინავი პაროდია, რომელმაც 80 წლის შემდეგაც არ დაკარგა აქტუალობა.

ჩაპლინის შემოქმედებაში ეს იყო პირველი სრულად ხმოვანი ფილმი და იმ დროის ამერიკისთვის ძალიან არატიპური ნამუშევარი, რადგან მისი შექმნის პერიოდში აშშ და გერმანია ჯერ კიდევ მშვიდობიან ურთიერთობაში იყვნენ. ფილმს დიდი კომერციული წარმატება ხვდა წილად, თუმცა პოლიტიკური ქვეტექსტის გამო მწვავე დებატებიც გამოიწვია.

ჩაპლინი: „ფილმის შექმნისას შემაწუხებელი წერილები მივიღე ‘United Artists’-იდან… თუმცა გადაწყვეტილი მქონდა, ეს ფილმი ბოლომდე მიმეყვანა, რადგან ჰიტლერი უნდა გამესამხილებინა და დამეცინა მისთვის“. მოგვიანებით, ავტობიოგრაფიაში ჩაპლინი წერდა: „რა თქმა უნდა, მაშინ რომ მცოდნოდა გერმანული საკონცენტრაციო ბანაკების ნამდვილი საშინელებები, ‘დიქტატორს’ ვერ გადავიღებდი, ვერ გავბედავდი ნაცისტებზე, მათი განადგურების ურჩხულურ მანიის დაცინვას“.

🏆 ფილმი ხუთჯერ იყო ნომინირებული „ოსკარზე“, მათ შორის წლის საუკეთესო ფილმისა და საუკეთესო მსახიობი მამაკაცის კატეგორიებში.