უახლესი აღთქმა

ღმერთი არსებობს. მაგრამ სულაც არ არის ისეთი, როგორიც გვეგონა.

ჟაკო ვან დორმელის პარადოქსული კომედია გოგონაზე სახელად ეა, რომელიც ფილმის პირველივე ფრაზით ყველაფერს გვეუბნება საკუთარ თავზე და სამყაროზე:
„ღმერთი არსებობს. ის ბრიუსელში ცხოვრობს და ნაბიჭვარია. ბევრი გსმენიათ მის შვილზე, მაგრამ არაფერი — მის ქალიშვილზე. ეს ქალიშვილი მე ვარ.“

შემდგომი სიუჟეტი — ეას მოსვლაა ადამიანთა სამყაროში, რომელსაც გადაწყვიტა სიკეთისკენ შეეცვალა — რამდენიმე სასწაულის ჩადენით.

ეს ფილმია: საჭირო, სასარგებლო, უცნაური, მწვავე, მრავალმნიშვნელოვანი, სექსუალური, სიცოცხლისმოყვარე, მკრეხელური, უგუნური და უნიკალური — ადამიანებისადმი სათნო და ღვთისადმი უკიდურესად აგრესიული.

რეჟისორის, რომელმაც გადაიღო „ახალი აღთქმა“, ინტერესის სფეროა მულტივერსის თეორია — იდეა, რომ შესაძლებელია ალტერნატიული სამყაროების პარალელური არსებობა. ვან დორმელი ასევე თანამშრომლობდა ნობელის პრემიის ლაურეატ ფიზიკოს ილია პრიგოჟინთან — ქაოსის ფენომენისა და დროის ფიზიკის შესასწავლად.