ბალანსის ხელოვნება: ნეიროგრაფიკისა და ბალანსბორდინგის ინტეგრირებული ვორქშოფი

31 აგვისტოს კიკეთის ფერმა უმასპინძლებს ახალ ვორქშოფს, რომელიც ბალანსის თემას ეძღვნება და მოიცავს ნეიროგრაფიკისა და ბალანსბორდინგის პრაქტიკებს, თეკუნა გელაშვილთან და Love Tutto-სთან ერთად.

ეს ორი განსხვავებული გამოცდილება ფოკუსირდება სხეულსა და გონებაზე, შემოქმედებითი გზით შინაგანი სამყაროს კვლევაზე და ჰარმონიის მიღწევაზე.

პროგრამა:

• 11:00 – შეხვედრა ფერმის სახელოსნოში

• 12:00 – ბალანსის დაფის პრაქტიკა: სხეულისა და გონების ჰარმონიული ვარჯიში (ბალანსბორდინგის ფასილიტატორი Love Tutto)

• 13:30 – ხემსი

• 14:30 – ნეიროგრაფიკის პრაქტიკა (ნეიროგრაფიკოსი თეკუნა გელაშვილი)

ვორქშოფის პირველი ნაწილი ბალანსის დაფის გამოყენებას და მისი მეშვეობით საკუთარი სხეულის შესაძლებლობების აღმოჩენას დაეთმობა.

ვორქშოფის მეორე ნაწილი დაეთმობა ნეიროგრაფიკის პრაქტიკას. მონაწილეები ბალანსის დაფებზე შექმნიან უნიკალურ ნახატებს ფემინური და მასკულინური ენერგიების დაბალანსების თემაზე. პროცესში თითოეულს შესაძლებლობა ექნება აღმოაჩინოს: რომელი ენერგიაა მასში უფრო ძლიერი; სად იჩენს თავს დისბალანსი; სად არის მისი პირადი ბალანსის უნიკალური წერტილები. ახალი ნეიროკავშირების ჩამოყალიბების შედეგად, მონაწილეები შეძლებენ ამ ენერგიების ჰარმონიზებასა და გამთელებას.

თითოეულ მონაწილეს საშუალება ექნება საკუთარი ხელით შექმნილი ბალანსის დაფა თან წაიღოს და გამოიყენოს ნებისმიერ დროს.”