ტერორი

გერმანელი იურისტისა და მწერლის, ფერდინანდ ფონ შირახის „ტერორი“ თანამედროვეობის ერთ-ერთი ყველაზე გახმაურებული და მოთხოვნადი პიესაა. პრემიერიდან დღემდე, წარმოდგენა მსოფლიოს 30-ზე მეტ ქვეყანაში და 100-ზე მეტ თეატრში გაიმართა — ბერლინი, ლონდონი, ტოკიო, ნიუ-იორკი.

ამ სპექტაკლში თქვენ არ ხართ უბრალოდ მაყურებელი. თქვენ ხართ ნაფიცი მსაჯულები. სპექტაკლის მსვლელობისას თქვენს წინაშე გაცოცხლდება სასამართლო პროცესი, სადაც სასწორზე ადამიანის სიცოცხლე და მორალური პრინციპები დევს. ფინალში სწორედ თქვენი ხმა განსაზღვრავს სპექტაკლის დასასრულს — მაყურებლის ვერდიქტზეა დამოკიდებული, ბრალდებული სასამართლო დარბაზიდან თავისუფალი გავა თუ პატიმრობაში დარჩება.

ეს არის ინტელექტუალური დუელი, რომელიც გაიძულებთ უპასუხოთ იმას, რაზეც კანონმდებლობა ხშირად დუმს:

როგორ უნდა იმოქმედო, როდესაც კანონი დუმს, ხოლო ტრაგედია გარდაუვალია?

შეიძლება თუ არა დანაშაული იყოს ერთადერთი სწორი გამოსავალი?

ვერდიქტი თქვენია!