თბილისი: მიწისქვეშა სამყარო. ვსწავლობთ თბილისის მეტროს წაკითხვას

თბილისის მეტრო საბჭოთა კავშირში მეოთხე გახდა. მისი მშენებლობიდან დაწყებამდე და 1966 წელს პირველი 6 სადგურის გახსნამდე თითქმის 15 წელი გავიდა. ამ დროის განმავლობაში მშენებლობა რამდენჯერმე შეჩერდა, შეიცვალა ხაზებისა და სადგურების პროექტი. 1990-იანი წლების დასაწყისისთვის უკვე მოქმედებდა 21 სადგური ორ ხაზზე, ასევე შენდებოდა მესამე ხაზი. მიუხედავად იმისა, რომ 1990 წლის შემდეგ მხოლოდ ორი ახალი სადგური გაიხსნა, თბილისის მეტრო დღესაც აქტიურად გამოიყენება ქალაქში გადაადგილებისთვის.

ბევრი რამ, რასაც მგზავრები თბილისის მეტროში ხვდებიან, დამახასიათებელია პოსტსაბჭოთა მეტროპოლიტენებისთვის — მსგავსი ესკალატორები, მსგავსი ვაგონები. თუმცა, თბილისის მეტროს გააჩნია განსაკუთრებული დეტალები, რომლებიც მჭიდროდ უკავშირდება ქართულ ხელოვნებასა და არქიტექტურას XX საუკუნის 60–80-იანი წლებიდან.