TAMADA at GEO.GRAPHIA

TAMADA ლაშა ჩაპელის მიერ 2020 წელს შექმნილი მუსიკალური პროექტია, რომელიც ერთდროულად ძალიან ქართული და ამავდროულად სრულიად ახალი ჟღერადობის მატარებელია.

მისი შემოქმედება რთულად თავსდება ერთ ჟანრში, აქ ერთმანეთს ერწყმის იუმორი, სატირა, ეპატაჟი და მრავალფეროვანი მუსიკალური გავლენები. სწორედ ეს თავისუფალი ექსპერიმენტები და განსხვავებული ხედვა ქმნის TAMADA-ს უნიკალურ ხელწერას.

პროექტის მუსიკა ქართული ეთნიკური ელემენტებისა და თანამედროვე ელექტრონული ჟღერადობების შერწყმას წარმოადგენს. თავად ავტორი საკუთარ სტილს „დიფ დუქანს“ უწოდებს - სახელწოდებას, რომელიც ზუსტად გამოხატავს მის მუსიკალურ ესთეტიკასა და შემოქმედებით ფილოსოფიას.

არ გამოტოვოთ საღამო, რომელიც თანამედროვე ელექტრონულ მუსიკასა და ქართულ იდენტობას ერთ სივრცეში გააერთიანებს.