გაზაფხული "ამფორეაში"

„რეას“ თბილისის ცენტრის მოზარდები და ახალგაზრდები გაზაფხულს ყვავილებით ხვდებიან. 
დედის დღისთვის მათ შექმნეს მოჭიქურებული კერამიკის ყვავილები, ლარნაკები და დეკორატიული თეფშები - ფერადოვანი, ლამაზი და თბილი!
„ამფორეა“ ის ადგილია, სადაც „რეას“ სახელოსნოს ახალგაზრდები საკუთარ ნამუშევრებს ყიდიან. 
ეს არ არის ჩვეულებრივი გამოფენა-გაყიდვა. ეს არის:
• სოციალური მეწარმეობა
• ინკლუზიური შრომის მხარდაჭერა
• ხელოვნებისა და თერაპიული პრაქტიკის შედეგის გაზიარება
მობრძანდით, შეარჩიეთ განსაკუთრებული საჩუქარი და მხარი დაუჭირეთ განვითარების თავისებურებების მქონე ახალგაზრდების შრომას! 
 დანიელ ჭონქაძის 29
 2 მარტი — 15:00–20:00
 3 მარტი — 12:00–20:00
გელით 
რეას შესახებ
კავშირ „რეას“ საქმიანობის ძირითადი მიმართულება განვითარების თავისებურების მქონე მოზარდებისა და ახალგაზრდების სახელობო მომზადებაა თბილისსა და საქართველოს მრავალეთნიკურ რეგიონებში.
მის მიერ დაარსებულ თბილისის, ასპინძისა და ახალქალაქის ცენტრებში ახალგაზრდები პროფესიულ უნარებს ეუფლებიან, მათ შორის კერამიკისა და ტექსტილის სახელოსნოებში.
2017 წელს RHEA-მ დააფუძნა სოციალური საწარმო „ამფორეა“.
დღეს „ამფორეა“, სასწავლო-სახელობო სახელოსნოებთან ერთად, მოიცავს ხელნაკეთი ნივთების მაღაზიას, სადაც პროფესიონალებთან ერთად დასაქმებულნი არიან აუტისტური სპექტრის მქონე ახალგაზრდები — გამორჩეული შემოქმედებითი შესაძლებლობებით.