დაცემის ხმა

მე-20 საუკუნის ისტორია, მოთხრობილი ოთხი მოზარდი გოგონას შიდა მონოლოგების მეშვეობით — ნამუშევარი, რომელსაც ადარებენ ტარკოვსკის, ფელინისა და ბერგმანის კინემატოგრაფს.

ალტმარკში, ერთსა და იმავე ძველ ფერმაში, სხვადასხვა ეპოქაში — პირველი მსოფლიო ომიდან დღემდე — ცხოვრობენ ალმა, ერიკა, ანგელიკა და ლენკა. ოთხი გმირი ერთმანეთს ვერასდროს შეხვდება, თუმცა თითოეული მათგანი გამოივლის პირველ სექსუალურ გამოცდილებას, ახლობელი ადამიანის მოულოდნელ სიკვდილს, მძაფრ მარტოობასა და მომავლის შიშს.

ჩვენს წინაშეა მე-20 საუკუნის გერმანიის ისტორიის სხვა ვერსია, დანახული მოზარდი გოგონების თვალით (შესაძლოა, ეს იყოს მთელი ევროპის ან თუნდაც მთელი პლანეტის ისტორია). როგორც უხმო მოწმეები, ისინი განიცდიან ტრაგედიებს ზრდასრულებისა და მამაკაცებისთვის უხილავ სამყაროში — სამყაროში, რომელიც ომებით, კონფლიქტებით, ძალადობითა და ტკივილით არის სავსე. თუმცა მხოლოდ მათი მზერა გვაძლევს იმედს სხვა ეთიკის არსებობისა — იმ ეთიკისა, რომელიც ეწინააღმდეგება მსოფლიოში დამკვიდრებულ წესრიგს.