სოლტბერნი

ბოროტი, გონებამახვილი და სისხლიანი სატირა კლასობრივ ბრძოლაზე, რომელშიც მთავარ როლს ასრულებს ამომავალი ვარსკვლავი ბარი კეოგანი („წმინდა ირმის მკვლელობა“).

2006 წელი. არაფრით გამორჩეული, მორცხვი ბიჭი, ოლივერი, ოქსფორდში სწავლას იწყებს. მას არც მომხიბვლელობა აქვს, არც ფული, ამიტომ ერთადერთი მეგობარი მისნაირი ბოტანიკია. თუმცა ერთ დღეს, სრულიად შემთხვევით, მას მეგობრობა უწევს ფელიქსთან – პოპულარულ არისტოკრატთან, რომელიც თითქოს სხვა სამყაროს ეკუთვნის. ოლივერის მძიმე ბავშვობაზე გულაჩუყებული ფელიქსი მას ზაფხულის არდადეგებზე საკუთარ საგვარეულო მამულში, სოლტბერნში ეპატიჟება – უზარმაზარ სასახლეში, სადაც უსაქმოდ იბეზრებენ თავს მისი მშობლები, ნათესავები და სხვანი.