Social Impact Award - სამუშაო შეხვედრები

სამუშაო შეხვედრები დაგეხმარებათ საკონკურსო განაცხადების უკეთ მომზადებში და პროგრამის შემდგომ ეტაპზე გადასვლაში.   სამუშაო შეხვედრები გაიმართება 15, 16, 17 აპრილს ფაბრიკაში, 16:00 საათზე, შემდეგ თემებზე: სოციალური მეწარმეობა იდეების გენერირება ბიზნესმოდელი ბიზნესგეგმა   პროგრამა ხორციელდება ეფეს საქართველოს და ანადოლუ ეფესის მხარდაჭერით.  დამატებითი ინფორმაცია პროგრამის შესახებ: სოციალური მეწარმეობის მიმართულებით ყველაზე მასშტაბური სტუდენტური პროგრამა Social Impact Award-ი 20-მდე ქვეყანაში ერთდროულად ხორციელდება და ორიენტირებულია სტუდენტების განათლებაზე სოციალური მეწარმეობის დარგში. პროგრამა ახალგაზრდებს სთავაზობს ათთვიან საგანმანათლებლო კურსს საკუთარი ბიზნესიდეების განსახორციელებლად. პროგრამის განმავლობაში სტუდენტები გადიან მთელ პროცესს იდეის გენერირებიდან, ბიზნესგეგმის შედგენამდე, რაც მათ აძლევს შესაძლებლობას რეალურად წამოიწყონ სოციალური ბიზნესი.   Social Impact Award 2024 რამდენიმე ეტაპისგან შედგება და მოიცავს სამუშაო შეხვედრების სერიას. პროგრამის მეორე ეტაპზე, დამოუკიდებელი ჟიურის მიერ შერჩეული ფინალისტი გუნდები გაივლიან ორთვიან ინკუბაციას, სადაც ინდივიდუალური მენტორების დახმარებით გამართავენ ბიზნესმოდელს, შეადგენენ ბიზნესგეგმებს და მოემზადებიან ჟიურის წინაშე წარსადგენად. პროგრამის ბოლო ეტაპზე გამოვლინდებიან გამარჯვებული გუნდები, რომლებიც მიიღებენ ფინანსურ მხარდაჭერას ბიზნესიდეების განსახორციელებლად და მონაწილეობას მიიღებენ Social Impact Award-ის საერთაშორისო სამიტში - გერმანიაში.