სასწრაფო არჩევნები: რა უნდა გავაკეთოთ, როცა შესაძლებლობის ფანჯარა იხსნება

რა მოხდება, თუ ხვალ არჩევნებში მონაწილეობის შესაძლებლობა გაგვიჩნდება? მზად ვართ ამისთვის? ვიცით თუ არა შეთანხმება, პასუხისმგებლობის აღება, ზეწოლისა და კრიზისების გამკლავება? თუ გადამწყვეტ მომენტში ყველაფერი დაინგრევა — ამბიციების, პროცედურების თუ შიშის გამო?

ხუთშაბათს როლურ თამაშზე ჩვენ მოვახდენთ სასწრაფო არჩევნების სცენარის მოდელირებას. ქალაქში კენჭისყრამდე მხოლოდ 7 დღე რჩება და თქვენს პარტიას სასწრაფოდ მოუწევს ყრილობის ჩატარება: განსაზღვროს ლიდერი ან მმართველობის ფორმატი, ჩამოაყალიბოს პროგრამა, შეიმუშაოს პოზიცია კრიზისზე და შეთანხმდეს შიდა დისციპლინისა და საჯარო კომუნიკაციის წესებზე. პარალელურად მოხდება ინფორმაციის გაჟონვა, მედიის ზეწოლა, შიდა კონფლიქტები და მოულოდნელი მოვლენები.

მონაწილეები ორ პარტიად დაიყოფიან განსხვავებული მოწყობის პრინციპებით. ერთი იმოქმედებს ერთიანი ლიდერის მოდელით, შეზღუდული უფლებამოსილებებით. მეორე — კოლეგიალურად და თავად განსაზღვრავს გადაწყვეტილების მიღების პროცედურას. ორივე პარტია ერთსა და იმავე გამოწვევებს შეხვდება და ფინალში საჯარო პრესკონფერენციასა და დებატებზე გამოვა.

ეს თამაში სწრაფად გადაიქცევა ცოცხალ პოლიტიკურ ისტორიად: ვინ იღებს გადაწყვეტილებებს, რამდენად სწრაფად, რა ფასად და ვინ იღებს პასუხისმგებლობას.

დასასრულს გავაანალიზებთ, რა აღმოჩნდა უფრო მნიშვნელოვანი — სისწრაფე თუ ლეგიტიმურობა, ლიდერობა თუ პროცედურა, და როდის ჩნდება მოთხოვნა „ძლიერ ხელზე“.

საღამოს წარუძღვება ანატოლი მოროზოვი — აქტივისტი, ტრენერი და საარჩევნო ექსპერტი.