დაინახე 25-ე კადრი

თსუ-ის თანასწორობის კლუბი გიწვევთ ახალ, ინტერაქციულ პროექტზე – „დაინახე 25-ე კადრი“.

 პროექტი განკუთვნილია მათთვის, ვისაც სურს გასცდეს ზედაპირულ მსჯელობას, აღმოაჩინოს საკითხის ფარული ასპექტები და დაეუფლოს არგუმენტირებული კამათის ხელოვნებას. ტურნირი ეძღვნება თანასწორობის თემატიკას.

 რატომ „25-ე კადრი“?
პროექტის უნიკალურობა მის ფორმატში მდგომარეობს. დებატების დაწყებამდე მონაწილეები იხილავენ სპეციალურ ანიმაციურ ვიდეოს, რომელიც დატვირთულია სხვადასხვა პერსპექტივით, კონტექსტითა და „ფარული“ გზავნილებით. თქვენი ამოცანაა, სწორედ ამ ვიდეოს მეშვეობით დაინახოთ ის 25-ე კადრი, რომელიც თქვენს არგუმენტაციას სიღრმესა და დამაჯერებლობას შესძენს.

 დებატები წარიმართება კარლ პოპერის ფორმატით. 

პროექტის მიზნები:
* კრიტიკული და სწრაფი აზროვნების განვითარება;
* გუნდური მუშაობისა და სტრატეგიული დაგეგმვის უნარების დახვეწა;
* საჯარო გამოსვლებისა და დებატების ხელოვნების დაუფლება;
* თანასწორობის პრინციპების სიღრმისეული გააზრება.

 მონაწილეობის პირობები:
* ტურნირში მონაწილეობის მიღება შეუძლიათ თბილისის სახელმწიფო უნივერსიტეტის პირველკურსელ სტუდენტებს.
* მონაწილეობა ხდება სამწევრიანი გუნდების სახით.
* რეგისტრაციისას აუცილებელია სტუდენტის სტატუსის დამადასტურებელი ცნობის სარეგისტრაციო ფორმაში ატვირთვა. 

 დაინახე 25-ე კადრი, ამოხსენი მთავარი სათქმელი და გახდი დისკუსიის ლიდერი!

 ადგილები შეზღუდულია!

 კლუბის წევრებისთვის გაიცემა ღონისძიებაზე დასწრების დამადასტურებელი სერტიფიკატი. 

 თარიღი: 2 აპრილი, 19:00
 ადგილი: თსუ, მე-2 კორპუსი

 https://forms.gle/Vb9FCrQYEgbEDQd88 (სარეგისტრაციო ბმული გაიხსნება ოთხშაბათს, 17:00-ზე)