ბუკინისტური წიგნის ფესტივალი

22 აპრილს ეროვნული ბიბლიოთეკის საგამოფენო დარბაზში, პირველად საქართველოში, წიგნის საერთაშორისო დღისადმი მიძღვნილი მასშტაბური ღონისძიება - ბუკინისტური წიგნის ფესტივალი გაიხსნება.  

ფესტივალი დამთვალიერებლებს 22-23 აპრილს 11:00-დან 20:00 საათამდე უმასპინძლებს. 

ეროვნული ბიბლიოთეკის საგამოფენო დარბაზში თავს მოიყრიან დედაქალაქის ცნობილი და ბევრისთვის საყვარელი ბუკინისტები. 

ბუკინისტებს შესაძლებლობა ექნებათ მოაწყონ სხვადასხვა სახის ექსპოზიცია, სადაც წარმოადგენენ წიგნებს, ჟურნალ-გაზეთებს, ფოტოებს, ალბომებს, აფიშებს, ნახატებს, პოსტერებს, ღია ბარათებს, საბავშვო ლიტერატურას - ყველა ტიპის ბიბლიოგრაფიულ გამოცემას მათი უნიკალური კოლექციებიდან. 

ღონისძიება საინტერესო იქნება ნებისმიერი დამთვალიერებლისთვის, განსაკუთრებით კი მათთვის, ვისაც ბუკინისტური ნივთების შეძენა აინტერესებს.

ბუკინისტრური წიგნის მოყვარულებს ერთ სივრცეში თავმოყრილი გამოცემების შერჩევის, შეძენისა და თავიანთი კოლექციების გამდიდრების იშვიათი შესაძლებლობა ეძლევათ. 

ფესტივალის პარალელურად ჩატარდება სხვადასხვა სახის აქტივობები, რომელთა შესახებ ინფორმაციას დამატებით შეგატყობინებთ.