SCARFACE

ბრაიან დე პალმას ფილმი „ნაიარევი სახე“ — გლამურულ-ნეონური, ოპერალური ხელახალი წარმოსახვაა ჰოვარდ ჰოქსის 1932 წლის განგსტერული კლასიკისა. მთავარ როლში ალ პაჩინო ტონი მონტანას საკულტო სახით — კუბელი ლტოლვილი, რომელიც მაიამის ნარკოიმპერიას აწყობს. ეს არის ერთდროულად სასტიკი კრიმინალური საგა და „ამერიკული ოცნების“ მწვავე კრიტიკა.

ოლივერ სტოუნის გამოკვეთილი სცენარით, ჯორჯო მოროდერის სინთეზატორული საუნდტრეკით (Daft Punk-იც გახსენდება!) და დე პალმას ხელწერით, „ნაიარევი სახე“ აერთიანებს ფუფუნებასა და ტრაგედიას თანამედროვე მითში.

პირველ ეტაპზე ფილმი წინააღმდეგობრივად იქნა მიღებული ძალადობისა და უხამსი ლექსიკის გამო, თუმცა შემდეგ ის კულტურულ სიმბოლოდ იქცა, რომელმაც შთააგონა უამრავი ფილმი, მუსიკა და მოდა თავისი უშეღავათო სტილითა და ლეგენდარული ფრაზებით.

ჩვენების შუაში დაგეგმილია ათწუთიანი ანტრაქტი.