საქართველოს პარლამენტის ეროვნული ბიბლიოთეკა და ფსიქოთერაპიის ეროვნული ქოლგა (NUO) ფსიქოთერაპიის ქართული ფედერაცია დენდრონი ურთიერთთანამშრომლობის ფარგლებში წარმოგიდგენთ მენტალურ ჯანმრთელობასთან დაკავშირებულ ინტერაქციულ ლექცია-სემინარების ციკლს.
პროექტი მიზნად ისახავს საზოგადოების ცნობიერების ამაღლებას მენტალური ჯანმრთელობის მიმართულებით.
პროექტის ფარგლებში 2024 წლის განმავლობაში გაიმართება თვეში ერთი ლექცია-სემინარი.
შეხვედრებს გაუძღვებიან ფსიქოთერაპიის ევროპული ასოციაციის მიერ სერტიფიცირებული ფსიქოთერაპევტები, რომლებიც მონაწილეებს გაუზიარებენ სხვადასხვა აქტუალური თემის ირგვლივ მნიშვნელოვან ინფორმაციას.
მონაწილეებს შესაძლებლობა ექნებათ ჩაერთონ დისკუსიაში და თემასთან დაკავშირებულ საკითხებზე მიიღონ კომპეტენტეტური უკუკავშირი.
შეხვედრები გაიმართება საქართველოს პარლამენტის ეროვნულ ბიბლიოთეკაში
შეხვედრებზე დასწრება თავისუფალია და შეუძლია თემით დაინტერესებულ ნებისმიერ პირს.
პირებს, რომლებიც დაესწრებიან ყველა ღონისძიებას გადაეცემათ პროექტში მონაწილეობის დამადასტურებელი ელექტრონული სერტიფიკატი.