საახალწლო ქარავანი

ორბელიანის მოედანი ერთ-ერთი ყველაზე პოპულარული ადგილია თბილისში. მდებარეობს ათონელის, თაბუკაშვილის, ფურცელაძისა და ვეკუას ქუჩებს შორის. მოედანზე არის პატარა, მაგრამ ძალიან ლამაზი ბაღი, რომლის ცენტრში არის შადრევანი. ორბელიანის მოედანი განსაკუთრებით ცნობილია ყვავილების ბაზრით. ათასობით ყვავილით მოხატულ თაღოვან პავილიონებს ფლორის ათასობით მოყვარული სტუმრობს. ამ ადგილებს განსაკუთრებულ ხიბლს ანიჭებს XIX-XX საუკუნეების არქიტექტურა. აქვე ნახავთ თბილისის ისტორიული გალავნის ნაშთებს. მოედანი და მისი მიმდებარე ტერიტორია 2019 წელს რეაბილიტაცია ჩაუტარდა და იქცა კეთილმოწყობილ და მიმზიდველ ადგილად როგორც ადგილობრივებისთვის, ასევე ტურისტებისთვის. აქ მდებარე შენობებში კულტურული მემკვიდრეობის 13 ძეგლია. მოედნის ირგვლივ უამრავი კაფე და რესტორანი დაგხვდებათ, სადაც მყუდრო გარემოში სასიამოვნო დროის გატარება შეგიძლიათ. განახლებული ორბელიანის მოედანი თბილისის ერთ-ერთი ულამაზესი და საინტერესო ადგილია და უამრავ ადამიანს იზიდავს.