RHEA GATHERING

🌀 დროსა და კულტურებს მიღმა, ადამიანებს რიტმი ყოველთვის ერთ სივრცეში კრებდა.

უძველესი რიტუალებითა და კოლექტიური მოძრაობით მუსიკა ერთმანეთთან და რაღაც კიდევ უფრო დიდთან გვაერთიანებდა. სწორედ ამ იდეიდან შეიქმნა RHEA - ენერგია, რომელსაც ვგრძნობთ და ძალა, რომელიც სხვებთან შიგნიდან გვაკავშირებს.

სახელი შთაგონებულია ბერძნული მითოლოგიის ღმერთებისა და ქალღმერთების დედის - ტიტანის, რეას სახელით, რომელიც სიცოცხლის, ენერგიისა და შექმნის საწყისს განასახიერებს. ძალა, საიდანაც იწყება მოძრაობა, სიცოცხლე და ციკლი.

RHEA არის 48-საათიანი უწყვეტი ელექტრონული შეკრება ბუნებაში - სივრცე, სადაც მუსიკა, გარემო და ადამიანური ენერგია ერთიან გამოცდილებად გარდაიქმნება.

24–26 ივლისს, ანაკლიაში, შავი ზღვის სანაპიროსთან მდებარე კუნძული გადაიქცევა მრავალფაზიან მუსიკალურ მოგზაურობად, რომელიც ღამის გახსნიდან მზის ამოსვლამდე, დღის ენერგიიდან ფინალურ კულმინაციამდე განვითარდება.

ფესტივალი აგებულია ენერგიის ციკლის კონცეფციაზე - იდეაზე, რომ მუსიკა და გარემო დროის აღქმასა და ემოციურ მდგომარეობას ცვლის. პროგრამა სპეციალურადაა კურირებული ისე, რომ თითოეულმა არტისტმა და ჟღერადობამ კონკრეტული ფაზა, განწყობა და ენერგეტიკული დინება შექმნას.

– Night Opening – Peak Energy – Sunrise Transformation – Daytime Groove – Final Climax

RHEA აერთიანებს ლოკალურ და საერთაშორისო არტისტებს, ნარატიულ სეტებს, ორ სცენას, მაღალი ხარისხის საუნდ დიზაინს, ვიზუალურ გარემოსა და ბუნებრივ სივრცეს ერთ უწყვეტ გამოცდილებაში.

ეს არ არის უბრალოდ ფესტივალი - ეს არის 48+ საათიანი რეალობა, რომელიც მთელი ამ დროის განმავლობაში, ერთმანეთის რიტმში გვაცხოვრობს.

🌀 შემოდი ციკლში და იგრძენი.

LINEUP SO FAR:

DALI • DADU • GENERALI MINERALI • GIO SHENGELIA • GWÄN • JAX • KANKO • LI SHOU • LY SAS • MEMOTECH • OBRI • ONIANI • REGAL• SEQTA • SEVDA • SCRIPT • DJ SENSE •TIGERHEAD • ÜVALL • VFY • VULKANSKI • YAMOC • ZAPA • MORE TBA…

ბილეთები: 

Early Bird - 90 ₾

I კალათა - 120 ₾

II კალათა - 160 ₾

დღიური ბილეთი:

24 ივლისი - 90 ₾ (აქტიურია 24.07 23:59-დან 25.07 23:59-მდე)

25 ივლისი - 90 ₾ (აქტიურია 25.07 23:59-დან ღონისიძიების დასრულებამდე)

კარზე:

დღიური ბილეთი: 120 ₾

სრული აბონემენტი: 200 ₾.

🔞 ასაკობრივი შეზღუდვა: 18+

ფესტივალის შესასვლელში ასაკის კონტროლი(18+) მკაცრად განხორციელდება, ამიტომ გთხოვთ, თან იქონიოთ მოქმედი პირადობის დამადასტურებელი დოკუმენტი - ID ბარათი, პასპორტი ან მართვის მოწმობა.

შეგიძლიათ წინასწარ გადაამოწმოთ თქვენი მონაცემები ცესკოს ოფიციალურ ვებსაიტზე: https://voters.cec.gov.ge

ბილეთის დაბრუნების პოლიტიკა*

ფესტივალის შესასვლელში იმოქმედებს ფეის კონტროლი და უსაფრთხოების შემოწმება.

ორგანიზატორი იტოვებს უფლებას, ბილეთის არსებობის მიუხედავად, უარი უთხრას პირს ღონისძიებაზე დაშვებაზე უსაფრთხოების, ქცევის სტანდარტების ან ფესტივალის შიდა რეგულაციების საფუძველზე.

იმ შემთხვევაში, თუ დაშვებაზე უარი არ არის დაკავშირებული წესების დარღვევასთან, აგრესიულ ქცევასთან, ინტოქსიკაციასთან ან უსაფრთხოების რისკთან, ბილეთის საფასური სრულად ანაზღაურდება 7 სამუშაო დღის ვადაში.