რეპრესია და თავისუფალი ნება

აღმოაჩინე ახალი, გამორჩეული სივრცე, რომელიც ქართულ თანამედროვე ხელოვნებას ეძღვნება.
 

“ხელოვნების ფონდი ანაგი” 2025 წლის სექტემბერში, კორპორატიული სახელოვნებო ფონდების საერთაშორისო ანალოგით შეიქმნა და ქართული ბიზნესისა და შემოქმედებითი სფეროს წამყვან წარმომადგენლებს აერთიანებს.
 

ფონდის შენობაში რამდენიმე საგამოფენო სივრცე დაგხვდებათ, სადაც სხვადასხვა პერიოდის, ხედვისა და პრაქტიკის თანამედროვე ქართული ხელოვნებაა წარმოდგენილი.

AFA საკურატორო დარბაზი და AFA გალერეა
 

“რეპრესია და თავისუფალი ნება”
 

14 მარტს “ხელოვნების ფონდი ანაგის” საკურატორო სივრცეში ახალი ექსპოზიცია იხსნება.
 

გამოფენა საბჭოთა სისტემის მიერ ხელოვანის თავისუფალი ნების შეზღუდვის მექანიზმებსა და იმ შემოქმედებით წინააღმდეგობაზე მოგვითხრობს, რომელიც რეპრესიებზე პასუხად ყალიბდებოდა.
 

ექსპოზიციაზე წარმოდგენილია პოლონური წარმოშობის, საქართველოში მოღვაწე ხელოვანის, ჰენრიკ ჰრინევსკის (1869-1938) შემოქმედება, რომელიც საბჭოთა რეპრესიებს ემსხვერპლა.
 

გამოფენის მნიშვნელოვანი ნაწილია სხვადასხვა თაობის აბსტრაქციონსტ მხატვართა ნამუშევრები, რომლებსაც საბჭოთა სისტემა “ფორმალისტებად” აცხადებდა და დევნიდა.
 

ექსპოზიცია ქრონოლოგიურად მისდევს ქართული აბსტრაქციონიზმის განვითარების ხაზს - ადრეული მოდერნიზმიდან, საქართველოს დამოუკიდებლობამდე (1920-1990-იანი წლები).

“რეპრესია და თავისუფალი ნება” საბჭოთა იდეოლოგიური მემკვიდრეობის თანამედროვე კრიტიკულ გადააზრებასაც გვთავაზობს ქართველი ხელოვანების – ლევან ჭოღოშვილის, გურამ წიბახაშვილისა და მერაბ კოპალეიშვილის შემოქმედებაში.
 

კურატორები: თეა გოგუაძე-აპფელი, კონსტანტინე ბოლქვაძე, მარიამ შერგელაშვილი
 

გამოფენის ოფიციალური გახსნა: 14 მარტი, 20:00 საათი.
 

ექსპოზიცია 2026 წლის 10 ივნისის ჩათვლით გაგრძელდება.
 

გამოფენის მხარდამჭერია პოლონეთის ინსტიტუტი თბილისში.
 

AFA - სერგო ქობულაძის სახელოსნო
 

ფონდში იხილავთ გამოჩენილი ქართველი ხელოვანის - სერგო ქობულაძის სახელოსნოს კურატორულ რეკონსტრუქციას.

AFA ფოტო / AFA კინო
 

“მონოქრომული შეგრძნებების კარტოგრაფია” - ასე ჰქვია ჯგუფურ გამოფენას, რომელსაც ფონდის სივრცეში პლატფორმა “Unarchived Semiotics” წარმოადგენს.
 

ექსპოზიცია სხვადასხვა თაობისა და გამოცდილების ათ ხელოვანს აერთიანებს. ნამუშევრების ძირითადი თემა სხეულში ჩაბეჭდილი შეგრძნებების ფსიქოსომატიკაა. გრაფიკული ანაბეჭდები ფიზიკურ-ემოციური გამოცდილების ერთგვარ კარტოგრაფიას გვთავაზობს, სადაც სხეულისა და სივრცის ურთიერთმიმართება ინტიმური, მონოქრომული ფორმებით არის გადმოცემული.
 

იდეის ავტორი და კურატორი: მარიამ შერგელაშვილი
 

მონაწილე ხელოვანები: ხათუნა აბაშიძე, მარი ბაბაევი, ირინა გაბიანი, ლიზა კვანტალიანი, გიო სუმბაძე, მარი ყალაბეგაშვილი, ნიკა ხაბელაშვილი, საბა ხეჩოშვილი, სალი ხიზანიშვილი, ნინა წოწორია.
 

გამოფენის ოფიციალური გახსნა 14 მარტს, 20:00 საათი.

ექსპოზიცია 2026 წლის 8 აპრილის ჩათვლით გაგრძელდება.
 

Mappa Cartographica
 

სივრცეში წარმოდგენილია ისტორიული რუკებისა და იშვიათი ბიბლიოგრაფიული გამოცემების კერძო კოლექცია. ექსპონატები მოიცავს უნიკალურ ევროპულ კარტოგრაფიას, რომელზეც სხვადასხვა ისტორიული პერიოდის საქართველოა გამოსახული, ასევე ევროპელ მოგზაურთა ტექსტებსა და ვიზუალურ მატიანეს შუა საუკუნეების საქართველოს კულტურასა და ყოფა-ცხოვრებაზე.
 

დეტალური ინფორმაციისთვის იხილეთ:
 

https://artfoundationanagi.com/

https://www.facebook.com/mappacartographica
 

ფონდის საგამოფენო სივრცე მუშაობს ყოველდღე, 10:00-დან 21:00-ის ჩათვლით (გარდა ორშაბათისა)

მისამართი: ზურაბ ავალიშვილის ქ. 12, პარკ ჰოუმ ვაკე. ტელ.: +995 32 229 09 29