რახმანინოვი — მეორე საფორტეპიანო კონცერტი | „პიანინო“

5 ნოემბერს, 19:00 საათზე, თბილისის ვანო სარაჯიშვილის სახელობის სახელმწიფო კონსერვატორიის დიდ დარბაზში „პიანინო“ ახალ სეზონს სერგეი რახმანინოვის მეორე საფორტეპიანო კონცერტით გახსნის.

საღამოში მონაწილეობენ დავით ალადაშვილი (ფორტეპიანო), ვახტანგ კახიძე (დირიჟორი) და გია ყანჩელის სახელობის ახალგაზრდული ორკესტრი.

კონცერტი ორი ნაწილისგან შედგება. პირველ ნაწილში დავით ალადაშვილი და ვახტანგ კახიძე ორკესტრთან ერთად მსმენელს გააცნობენ ნაწარმოებს, მის მუსიკალურ თავისებურებებსა და სოლისტის, დირიჟორისა და ორკესტრის ერთობლივი მუშაობის პროცესს. ეს იქნება ღია რეპეტიციის მსგავსი გამოცდილება, რომელიც მაყურებელს საშუალებას მისცემს, კულისებს მიღმა გაეცნოს მუსიკოსების მუშაობას და აღმოაჩინოს, როგორ იქმნება საერთო მუსიკალური ჟღერადობა.

შესვენების შემდეგ სერგეი რახმანინოვის მეორე საფორტეპიანო კონცერტი სრულად შესრულდება.

საღამო ეძღვნება გამოჩენილი ქართველი პიანისტისა და პედაგოგის, მანანა დოიჯაშვილის დაბადების დღეს.

თარიღი: 5 ნოემბერი, 2026

დრო: 19:00

ადგილი: თბილისის ვანო სარაჯიშვილის სახელობის სახელმწიფო კონსერვატორიის დიდი დარბაზი