შეცდომების გაანალიზება

„1917 წელს მე 13 და ნახევარი წლის ვიყავი. თავიდან არავინ არაფერი წესიერად არ იგებდა. ყველაფერს ვუყურებდით, როგორც სპექტაკლს ჩვენი სახლის ფანჯრებიდან. ეს პოლკების მსვლელობები, ჯარისკაცები, რომლებიც დუმისკენ მიდიოდნენ...

იყო გაურკვევლობისა და იმის გრძნობა, რომ არავინ იცოდა, რა მოხდებოდა შემდეგ, იმედი, რომ ცხოვრება როგორღაც ძველ კალაპოტში დაბრუნდებოდა. რა თქმა უნდა, არ გვქონდა წარმოდგენა, რომ რაღაც უფსკრული გაიხსნა,“ — არკადი პეტროვიჩ სტოლიპინი, პეტრე სტოლიპინის ვაჟი.

1960-იანი წლების ბოლოს „რადიო თავისუფლების“ ინიციატივით ჩაიწერა ათობით ინტერვიუ თეთრ ემიგრანტებთან. მათ თავიანთი ბავშვობის, პირველი მსოფლიო და სამოქალაქო ომების მოგონებები გააზიარეს, ისაუბრეს ოქტომბრის რევოლუციის შემდგომ ცხოვრებაზე და, რა თქმა უნდა, იმაზე, თუ როგორ მოხდა მათი ემიგრაცია.

2020 წელს კოლუმბიის უნივერსიტეტმა ამ ჩანაწერების არქივი საჯარო სივრცეში გამოაქვეყნა. მომავალ ორშაბათს ჩვენს სივრცეში გაიმართება შეხვედრა, სადაც მოვისმენთ ამ ისტორიების ნაწილებს, ასევე ჩვენი დროის ისტორიებს. ჩვენ გავიგონებთ თეთრი ემიგრაციის, სსრკ-ის, რუსეთისა და ბელარუსის ხმებს. რა გაკვეთილები ვერ გამოვიტანეთ XX საუკუნის ისტორიიდან და ახლა, XXI საუკუნეში, თავიდან ვსწავლობთ მათ? სად და როგორ შეიძლება გამოგვადგეს ეს ხმები?

შეხვედრას გაუძღვება მიგრაციის მკვლევარი ეკატერინე ჩიგალეიჩიკი.

 მონაწილეობისათვის გთხოვთ, თან იქონიეთ ტელეფონი და ყურსასმენები.