ქეთევან სეფაშვილი (საქართველო/ავსტრია) ფორტეპიანო

ქეთევან სეფაშვილმა - ფორტეპიანოს სწავლა ფალიაშვილის სახელობის მუსიკალურ სკოლა “ნიჭიერთა ათწლედში” 5 წლის ასაკში დაიწყო და შემდგომ განაგრძო თბილისის კონსერვატორიაში პროფესორ სვეტლანა კორსანტიას კლასში. დიდი ინსპირაცია იყო ქეთევან სეფაშვილისთვის შვეიცარიაში/Zürich Hochschule ში გატარებული წლები პროფესორ ჰანს- იურგ შტრუბთან ერთად. დამატებითი იმპულსები მიიღო ცნობილი პიანისტებისგან როგორებიც არიან: ვიქტორ დერევიანკო, ემანუელ კრასოვსკი, სონტრაუდ შპაიდელი, პნინა ზალცმანი და ალექსანდრე კორსანტია. ის საუკეთესო ქართველ მუსიკოსად იქნა აღიარებული 2001 წელს თბილისში გამართულ მე-2 საერთაშორისო საფორტეპიანო კონკურსზე. ქეთევანი გამოდიოდა ევროპის ცნობილ საფორტეპიანო ფესტივალებზე და დიდი წარმატება ხვდა წილად მის სადებიუტო გამოსვლას 2017 წელს ვენის მუზიკფერაინში. მიუხედავად პანდემიისა, მან განაგრძო აქტიური თანამშრომლობა მუსიკოსებთან: დიმიტრი აშკენაზი, ვერიკო ჭუმბურიძე, თამარ ჩიტაძე, სანდრო სიდამონიძე და თემო ხარშილაძე. ხშირად გვევლინება ჟიურის წევრად სხვადასხვა საერთაშორისო კონკურსებზე, ატარებს მასტერკლასებს და ეწევა აქტიურ საკონცერტო მოღვაწეობას, როგორც ევროპაში, ასევე მის ფარგლებს გარეთ.ქეთევან სეფაშვილის ალბომებს შორისაა: "Faust", "Fantasiebilder", "Undine", “Poetry of silence", “Verspiegelung” და მისი უახლესი სოლო ალბომი “Moments”, რომელთა სიღრმისეული შესრულების მანერა და ყოველი ნიუანსი წარუშლელ ემოციურ კვალს ტოვებს მსმენელზე, რაზეც არაერთი რეცენზია მოწმობს. ქეთევან სეფაშვილი უკრავს Fazioli ის საკონცერტო როიალზე.