პროექტი "10 დღე ომის გარეშე"

მოგესალმებით, მეგობრებო! ახალი წლის პირველ დღებში ასეთი კარგი ამბავი გვაქვს. 

4 იანვარს, 17:00 საათზე უკრაინულ სახლში განსაკუთრებული სტუმრები გვეყოლება - სკოლის მოსწავლეები ირპინიდან, რომელიც რუსული აგრესიის შედეგად ყველაზე მეტად დაზარალდა. ბავშვებს საქართველოში უკრაინის ელჩის მოვალეობის შემსრულებელი ოლექსანდრ შულჰა შეხვდება.

9-16 წლის ასაკის 26-მა ბავშვმა რუმინეთი, ბულგარეთი და თურქეთი ავტობუსით გამოიარეს, რომ საქართველოში ჩამოსულიყვნენ. უკრაინელმა სტუმრებმა უკვე მოინახულეს ბათუმი, რუსთავი და მცხეთა და დღეს თბილისის ჯერიც დადგა. უკრაინულ სახლში მათ ტკბილეული და საინტერესო გასართობი პროგრამა დახვდებათ.