ფოცხიშვილების ნაციონალური ბალეტი “მეტეხი”

ფოცხიშვილების ნაციონალური ბალეტი „მეტეხი“ — მსოფლიოში პირველი ბავშვთა ქორეოგრაფიული ანსამბლი, რომელმაც გინესის მსოფლიო რეკორდი დაამყარა… წარმოგიდგენთ ერთაქტიან ქორეოგრაფიულ სპექტაკლს — „უკვდავნი“.

ეს არის სცენური მოგზაურობა საქართველოში, სადაც ტრადიცია და თანამედროვე ხედვა ჰარმონიულად ერწყმის ერთმანეთს, ხოლო ფოლკლორის მაგიური ძალა ახალ სიცოცხლეს იძენს ახალგაზრდა თაობის შესრულებაში.

სცენაზე გაცოცხლდება ძველი და ახალი ქართული ცეკვის გამორჩეული ნიმუშები, რომლებმაც საუკუნეების განმავლობაში ჩამოაყალიბა ჩვენი კულტურული სახე.

„უკვდავნი“ არის მოძრაობაში გადმოცემული ისტორია — ვინც ცეკვავს, ის ცოცხლობს.
 

სამხატვრო ხელმძღვანელი: დავით ფოცხიშვილი

რეპეტიტორ-ქორეოგრაფი: ნინო ქართველიშვილი

მუსიკა: დავით ფოცხიშვილი

მუსიკალური არანჟირება: ემზარ შერვაშიძე

განათების რეჟისორი: დავით სუხიშვილი

სცენის მთავარი მემანქანე: გია გელაძე
 

ხანგრძლივობა 60 წთ.