პი

თავის ტკივილებითა და იუდაიზმის აჩრდილებით შეპყრობილი მათემატიკოსი ცდილობს, თვითნაკეთი სუპერკომპიუტერის — „ევკლიდის“ — დახმარებით, რიცხვი პი ერთდროულად გამოიყენოს საფონდო ბაზარზე და ძველებრაულ წმინდა ტექსტზე — თორაზე. პირველი საშუალებას მისცემს უზარმაზარი ფული იშოვოს, მეორე კი — სამყაროს საიდუმლო ამოხსნას. აღმოჩენების შედეგები სრულად ემთხვევა ერთმანეთს. მაგრამ სწორედ აქედან იწყება მისი პრობლემები: ერთი მხრივ, მას დასდევენ ბირჟის ანალიტიკოსები და რელიგიური ფანატიკოსები; მეორე მხრივ კი — ის ნელ-ნელა ჭკუიდან გადადის.

მეგობრებისა და ნათესავების 100-დოლარიანი შენატანებით ძლივს გადაღებული Pi დებიუტანტმა Darren Aronofsky-მ Sundance Film Festival-ზე ერთ-ერთი მთავარი პრიზი მოიპოვა და რამდენიმე მილიონიც გამოიმუშავა. ვინც მას ასი დოლარი მისცა, თითოეულმა 150 მიიღო უკან. მოგვიანებით ის გადაიღებს Requiem for a Dream-ს და უკვე სერიოზულად გაითქვამს სახელს.