ORIGINAL ENIGMA VOICES - TBILISI

31 ოქტომბერს - District 4 ( Radio City ) - ში - Mono Hall-ის ორგანიზებით ლეგენდარული ჯგუფის ORIGINAL ENIGMA VOICES-ს კონცერტი გაიმართება.

სამი გრემის ნომინაცია, 70 მილიონზე მეტი გაყიდული ჩანაწერი, ასზე მეტი ოქროსა და პლატინის ალბომის სერტიფიკატი — და ეს მხოლოდ ის ნაწილია, რაც Enigma-ს იდუმალებით მოცული პროექტიდან თვალსაჩინოდ ჩანს.


Enigma 1980-იან წლებში დააარსა გერმანელმა პროდიუსერმა მაიკლ კრეტუმ. პროექტმა მთელი მსოფლიოს მილიონობით მსმენელის გული დაიპყრო
უნიკალური და დაუმატებელი ჟღერადობით, რომელიც არაფერს ჰგავს. ეს არის მუსიკალური სტილების სინთეზი -  გრიგორიანული გალობა, ეთნიკური
ფსალმუნები, ეკლესიის ზარები, ორღანი და სხვა ინსტრუმენტები ქმნის განსაკუთრებულ, ატმოსფერულ და ზოგჯერ ფსიქოდელიურ ჟღერადობას. რეკორდული გაყიდვები და შემსრულებელთა დაფარული იდენტობა Enigma-ს აქცევს ბოლო ათწლეულების ერთ-ერთ ყველაზე წარმატებულ და იდუმალ
მუსიკალურ პროექტად. მისი გავლენა საგრძნობი იყო ბევრ არტისტსა და პროდიუსერზე, მათ შორის ისეთ პროექტებზე, როგორებიცაა Gregorian, რომელიც თანამედროვე პოპ და როკ სიმღერებს გრიგორიანული სტილით ასრულებს.