მუხელთას მთა Take and Hike-თან ერთად

მუხელთას მთა Take and Hike-თან ერთად

 გამგზავრება

დილით ბათუმიდან გავემგზავრებით გოდერძის უღელტეხილის მიმართულებით. მგზავრობა დაახლოებით 2.5–3 საათს გასტანს.

გზად ულამაზეს მდინარის ხეობას გავუყვებით, დავტკბებით მდინარისა და წყლის მიერ გამოკვეთილი კლდეების ხედებით. გზაში შევჩერდებით დასასვენებლად და საჭირო შესვენებისთვის.

 ლაშქრობა

მარშრუტი: 12 კმ

სიმაღლის მატება: 600 მ

ეს მარშრუტი იდეალურია მათთვის, ვისაც აქტიური დასვენება უყვარს. ბილიკი მრავალფეროვანია — ზოგან აღმართია, ზოგან დაღმართი, ზოგან კი მშვიდი, სწორი მონაკვეთები, სადაც დასვენებასა და ბუნებით ტკბობას შეძლებთ.

ზოგიერთ მონაკვეთში შესაძლოა ბილიკი სრიალა იყოს, ამიტომ აუცილებელია სალაშქრო ფეხსაცმელი კარგი პროტექტორით. ჩვეულებრივი სპორტული ფეხსაცმელი ან კედები არ არის რეკომენდებული.

 პიკნიკი და დაბრუნება

ლაშქრობისას ულამაზეს ადგილას მოვაწყობთ ლანჩის შესვენებას, არაერთხელ გავჩერდებით ფოტოების გადასაღებად და ადგილობრივი მცენარეების დასათვალიერებლად.

მარშრუტის ბოლოს კი გველოდება ჩვენი საფირმო კექსი და არომატული მცენარეული ჩაი — საუკეთესო ჯილდო გავლილი კილომეტრების შემდეგ.

სუფთა ჰაერით, შთამბეჭდავი ხედებითა და სასიამოვნო ემოციებით სავსე დღის შემდეგ ბათუმში დაახლოებით 20:00–21:00 საათზე დავბრუნდებით.