Monument Urban Climbing

Monument Urban Climbing არის Snap Community-ის ცოცვის სპორტული შეჯიბრი, რომელიც 17 ოქტომბერს, Monument Urban Climbing-ის სივრცეში გაიმართება. ღონისძიება აერთიანებს ცოცვის მოყვარულებს ერთ სივრცეში და მონაწილეებს აძლევს შესაძლებლობას, გამოსცადონ საკუთარი შესაძლებლობები სპორტულ შეჯიბრებაში.

ღონისძიება დაიწყება 12:00 საათზე, ხოლო ყველა მონაწილე ადგილზე უნდა გამოცხადდეს 11:00 საათზე. მონაწილეთა მაქსიმალური რაოდენობაა 70 ადამიანი. ერთი მონაწილის რეგისტრაციის ღირებულებაა 40 ლარი. ერთ მომხმარებელს შეუძლია შეიძინოს მაქსიმუმ 2 ბილეთი — ერთი საკუთარი თავისთვის და ერთი მეგობრისთვის. რეგისტრაცია დასრულდება 10 ოქტომბერს.

რეგისტრაციისას თითოეულმა მონაწილემ უნდა მიუთითოს სახელი, გვარი, საკონტაქტო ნომერი და დაბადების თარიღი. თუ ერთი მომხმარებელი 2 ბილეთს ყიდულობს, ორივე მონაწილის მონაცემები ცალ-ცალკე უნდა შეივსოს. რეგისტრაციის დასრულების შემდეგ თითოეულ სპორტსმენს უნდა მიუვიდეს ინდივიდუალური QR კოდი, რომლითაც ღონისძიების დღეს ადგილზე რეგისტრაციას გაივლის დასკანერებით. შეძენილი ბილეთი არ ექვემდებარება დაბრუნებას.

Snap Community-ის შესახებ

Snap Community არის სივრცე ადამიანებისთვის, რომლებსაც აერთიანებთ მოძრაობა, სპორტი და ჯანსაღი ცხოვრების სტილი. ჩვენ გვჯერა, რომ აქტიური ცხოვრება მხოლოდ სავარჯიშო დარბაზით არ შემოიფარგლება — სპორტი შეიძლება იყოს ყველაფერი, რაც გაძლევს ენერგიას, გიბიძგებს მოძრაობისკენ და გაერთიანებს სხვა ადამიანებთან. Snap Community ქმნის შესაძლებლობას, სხვადასხვა სპორტის მოყვარულები შეხვდნენ ერთმანეთს, გამოსცადონ საკუთარი შესაძლებლობები და გახდნენ აქტიური საზოგადოების ნაწილი. ჩვენი მიზანია მეტი მოძრაობა, მეტი ჯანსაღი ჩვევა და მეტი ადამიანი, რომელიც სპორტს საკუთარი ცხოვრების ნაწილად აქცევს.

11:00 საათი - ყველა მონაწილე ადგილზე უნდა იყოს 11:00-ზე

ღონისძიების დასრულების ზუსტი დრო განისაზღვრება ღონისძიების მიმდინარეობის მიხედვით.

Monument Urban Climbing, ნიკოლოზ ხუდადოვის ქუჩა, თბილისი (Lotkini Monument).