ციცინათელების საფლავი

შემძვრელი და უკიდურესად სევდიანი ანიმე იაპონელ ბავშვებზე – ძმასა და დასზე, რომლებიც ამერიკული (არა-ბირთვული) დაბომბვების ქვეშ ცდილობენ გადარჩენას მეორე მსოფლიო ომის ბოლოს.

წიგნი ჯერ კიდევ 60-იან წლებში დაიწერა და იაპონური ლიტერატურის კლასიკად ითვლება. მისი ავტორია აკიუკი ნოსაკა, რომელმაც საკუთარი ცხოვრების ტრაგიკული მოვლენები ასახა: ომის დროს მისი ორი და და აღზრდილი მამა დაავადებების, შიმშილისა და დაბომბვების გამო დაიღუპნენ.

ანიმეს ეკრანიზაცია თავდაპირველად სკოლების სასწავლო პროგრამის ნაწილის სახით იგეგმებოდა და ჰაიაო მიაძაკის „ჩემი მეზობელი ტოტოროსთან“ ერთად გამოვიდა, რათა „ტოტოროს“ მაყურებლისთვის გზა გაეხსნა (მაშინ ჯერ არავინ იცოდა, რომ ტოტორო მალე ყველას დაჩრდილავდა).

„ციცინათელების სამარე“ ერთ-ერთ საუკეთესო ომის შესახებ გადაღებულ ფილმად ითვლება და მსოფლიო ანიმაციის ყველაზე პრესტიჟულ რეიტინგებში წამყვან ადგილებს იკავებს.