მიხეილ ბულგაკოვი: თბილისი და „ბათუმი“ — ვიტალი კიბიტლევსკის ლექცია

მიხეილ ბულგაკოვი: თბილისი და „ბათუმი“ — ვიტალი კიბიტლევსკის ლექცია

მიხეილ ბულგაკოვის ცხოვრების ერთ-ერთი ყველაზე რთული პერიოდი საქართველოს უკავშირდება. ის თბილისში საკუთარი პიესების დადგმას ცდილობდა, ბათუმიდან კონსტანტინოპოლში გამგზავრებას გეგმავდა, ხოლო წლების შემდეგ დაწერა „ბათუმი“ — პიესა ახალგაზრდა სტალინზე, რომლის სცენაზე დადგმაც საბოლოოდ არ დაუშვეს.

ლექციაზე ვისაუბრებთ, როგორ აღმოჩნდა ბულგაკოვი საქართველოში, რა ხდებოდა მის ცხოვრებაში თბილისში და ბათუმში და რა კვალი დატოვა ამ პერიოდმა მის ცხოვრებასა და შემოქმედებაზე.

ვიტალი კიბიტლევსკი — 10-წლიანი გამოცდილების მქონე გიდი, საქართველოს ისტორიისა და მწერლების ბიოგრაფიების შესახებ სტატიებისა და ლექციების ავტორი, პოეტი.

ციკლის ფარგლებში ასევე ვისაუბრებთ სერგეი ესენინზე, მაქსიმ გორკისა და კონსტანტინე პაუსტოვსკიზე და იმაზე, თუ რა როლი ითამაშა საქართველომ მათ ცხოვრებასა და შემოქმედებაში.

შემდეგი ლექციები:

2) სერგეი ესენინი
თბილისი, ბათუმი და „შაგანე“ — ექვსი თვე საქართველოში, „ბოლდინოს შემოდგომა“ ბათუმში და ცნობილი ლექსის ისტორია.

3) მაქსიმ გორკი
ალექსეი პეშკოვიდან მაქსიმ გორკიმდე — მოგზაურობა საქართველოში, მუშაობა თბილისში და „მაკარ ჩუდრას“ შექმნის ისტორია.

4) კონსტანტინე პაუსტოვსკი
ბათუმი, ძდანევიჩების ძმები და ფიროსმანი — თითქმის ერთი წელი საქართველოში, მუშაობა გაზეთ „Маяк“-ში და „მილიონი ალისფერი ვარდის“ ისტორიასთან დაკავშირებული ამბავი.

შემდეგი ლექციების თარიღები ამჟამად თანხმდება. მათ შესახებ ინფორმაციას ცალკე გამოვაქვეყნებთ.